Хитойда 20 шифокор беморга галма-галдан юрак массажи қилди

Фото: Global Look Press/Xinhua/Zhang Rufeng

Хитойдаги шифохоналардан бирининг шифокорлари беморнинг ҳаёти учун 2 соат давомида курашишди. Эркак клиник ўлим ҳолатига тушган, бироқ уни шифокорлар саъй-ҳаракатлари эвазига жонлантиришга муваффақ бўлинган.

Воқеа Ляонин вилоятидаги анъанавий Хитой тиббиёти университети қошидаги клиникада юз берган. Қабулхонага “юрак тўхташи” ташхиси билан бемор келтирилган. Шифокорлар дарҳол унга юрак массаж қилишни ва сунъий нафас беришни бошлашган.

Эркак шифохона йўлаклари бўйлаб жонлантириш бўлимига олиб борилгунча шифокорлар галма-галдан унинг кўкрак қафасини юзлаб марта босишларига тўғри келган. Бемор махсус қурилмаларга улангандан кейин жонлантириш тадбирлари давом эттирилган. Унда 20 шифокор иштирок этган.

Хитойда қоидага кўра, беморда клиник ўлим қайд қилингандан 50 дақиқа ўтгач жонлантириш тадбирларини тўхтатиш қабул қилинган. Бироқ ушбу ҳолатда шифокорларнинг уринишлари қурилманинг беморда кучсиз юрак уришини қайд қилишига олиб келган.

Айни вақтда эркак даволанишда қолмоқда.

#Хитой #шифокорлар