Ветнамда ичида сайёҳлар бўлган яхта ағдарилиб кетди

Ветнамда сайёҳлик яхтаси ҳалокатга учради, деб хабар бермоқда Associated Press. VNExpress маълумотига кўра, 34 киши ҳалок бўлган.

Яхта Ветнам шимолидаги Жанубий Хитой денгизининг Ҳалонг кўрфазида экскурсия пайтида ағдарилиб кетган. Бортда 48 нафар йўловчи ва экипажнинг беш нафар аъзоси бўлган. Уларнинг барчаси Ветнам фуқаролари.

Йўловчиларнинг аксарияти сайёҳлар бўлган, деб ёзади VNExpress. Қайиқ бортидагиларнинг 20 дан ортиғи болалар эди.

Ҳодисага тўсатдан момақалдироқ ва кучли шамол сабаб бўлгани тахмин қилинмоқда.

Ҳалок бўлганларнинг жасадлари, жумладан, саккиз нафар бола ҳалокат жойига яқин жойда топилган. Яна 11 киши қутқариб қолинган. Қолганлари бедарак йўқолган деб ҳисобланмоқда.