Fransiyalik top-menejer Moskva bilan biznes yurityapti

Ukrainaga yetkazib beriladigan Mirage 2000 qiruvchi samolyotlarini ishlab chiqaruvchi Fransiyaning Dassault Aviation kompaniyasi mustaqil direktori Anri Prolo Rossiya Federatsiyasidagi kompaniyalarga egalik qiladi va Putinga yaqin bo‘lgan "ABR Menedjment" direktorlar kengashiga kiradi.

Foto: AP

Fransiya tomonidan Ukrainaga yetkazib beriladigan Mirage 2000 qiruvchi samolyotlarini ishlab chiqaruvchi Dassault Aviation fransuz aerokosmik kompaniyasining top menejeri Anri Prolo Rossiyada ham biznes bilan shug‘ullanadi. 18 iyul, juma kuni chop etilgan The Insider tadqiqotiga ko‘ra, Prolo 2013 yildan beri Rossiya prezidenti Vladimir Putinning do‘stlarining pullarini boshqaradigan "ABR Menedjment" AJ direktorlar kengashi a’zosi hisoblanadi.

"ABR Menedjment" kompaniyasi Putinga yaqin ishbilarmonlar Yuriy Kovalchuk va Nikolay Shamalov ishtirokida «Kreml pullarini», ya’ni ularning "Rossiya" banki, "SOGAZ" sug‘urta kompaniyasi va Milliy media guruhiga ro‘yxatdan o‘tkazilgan aktivlarini boshqarish uchun yaratilgan», deb yozadi The Insider.

Anri Prolo bilan bir qatorda direktorlar kengashi tarkibiga Yuriy Kovalchukning o‘g‘li va "Rossiya" banki boshqaruvi raisi Mixail Klishin ham kiradi, ularning ikkalasi ham 2016 yildan beri AQSh sanksiyalari ostida bo‘lib, Ukrainadagi urush boshlanganidan buyon Yevropa Ittifoqi, Buyuk Britaniya va Kanadaning sanksiya ro‘yxatiga kiritilgan.

76 yoshli Anri Prolo Fransiya hukmron elitasida taniqli shaxsdir. U Fransiyaning sobiq prezidenti Nikolya Sarkozi va hozirgi davlat rahbari Emmanuel Makron bilan yaxshi tanish. 2009 yildan 2014 yilgacha Prolo Électricité de France (EDF) davlat elektr kompaniyasini boshqargan, biroq korrupsiya gumonlari tufayli ishdan bo‘shatilgan.

#Moskva #menejyer #biznes