Таллин аэропорти портловчи мослама тўғрисидаги хабардан сўнг кўчирилди

Фото: newinform.com

Эстония пойтахти аэропортига ташриф буюрганлар, бинога портловчи мослама ўрнатилгани тўғрисидаги хабардан сўнг, зудлик билан хавфсиз жойларга кўчирилди, дея хабар қилмоқда РИА «Новости» агентлиги маҳаллий полиция вакилларига таянган ҳолда.

«Портлаш ҳақидаги хабар тушки пайт келиб тушган. Ҳозирда аэропорт ҳудудида полиция махсус ўргатилган итлар билан фаолият юритмоқда. Ҳаво гаванидан барча одамлар кўчирилган», — деб маълум қилган ҳуқуқ-тартибот идораси.

Қайд этилишича, самолётларга қўнишга рухсат берилади, аммо йўловчилар салонни вақтинча тарк этмайди. Аэропорт биносининг ўзи ҳам текширув ишлари тамомлангунча фаолият кўрсатмайди.

#Эстония #Таллин #портловчи мослама