Тошкентда бепул Wi-Fi бўлган биринчи автобус бекати очилмоқда

Фото: Facebook/Hot WiFi Uzbekistan

16 март куни Тошкент шаҳридаги Олой бозори ёнида бепул Wi-Fi сигнали бўлган биринчи автобус бекати очилади. Бу ҳақда Hot WiFi Uzbekistan компаниясининг Facebook'даги саҳифасида маълум қилинди.

Қайд этилишича, барча истовчилар ушбу тизимни синаб кўришлари ҳамда ўз изоҳларини қолдиришлари мумкин.

Hot WiFi тизими шарофати билан ижтимоий тармоқлардаги саҳифалар, email, шунингдек, SMS ва бепул қўнғироқ (callback) орқали тармоққа кириш мумкин бўлади.

Автобус бекатларида Тошкент аҳолисини бепул интернет билан таъминлаш бўйича лойиҳа Hot WiFi Uzbekistan компанияси томонидан Bravo Pharma, Beeline ҳамда JCDecaux компаниялари билан ҳамкорликда ишлаб чиқилган.

#Wi-Fi #Тошкент #Олой бозори #автобус бекати