Британиянинг яқинда сафга киритилган энг йирик авиаташувчи кемасида носозлик аниқланди

Фото: Gareth Fuller/PA

Британиянинг янги “Қиролича Елизавета” авиаташувчи кемасида флот таркибига киритилгандан бир ой ўтиб носозлик аниқланди. Бу ҳақда The Guardian нашри хабар бермоқда.

3,1 млрд фунт стерлинг турувчи, Британия флотининг энг йирик авиаташувчи кемасининг ичига сув сизиб кираётгани аниқланган.

“Вал зичлагичида муаммо аниқланган. Энди кема таъмирга жўнатилади”, деб айтган Қироллик ҳарбий-денгиз флоти вакили.

“Қиролича Елизавета” Британия флоти тарихидаги энг йирик авиташувчи кема бўлиб, унинг палубаси майдони 3 та футбол майдонига тенг. Авиаташувчи кема 45 км/соат тезлик билан ҳаракатлана олади, унинг сув сиғимдорлиги 65 минг тоннани, палубаси узунлиги 280 метрни, эни 70 метрни ташкил қилади.

#Британия #авиаташувчи кема #Қиролича Елизавета