Tesla электрокар деталларидан ИВЛ аппаратлари ясаш жараёнини кўрсатди

Илон Маскнинг Tesla компанияси электромобиль деталларидан ИВЛ (ўпкани сунъий шамоллатиш) аппаратларини ясашни бошлади.

Фото: Tesla

Tesla компанияси коронавирус пандемияси туфайли электромобилларни ишлаб чиқаришни тўхтатган ва ИВЛ аппаратларини йиғишни бошлаган. Қизиғи шундаки, тиббий аппаратни ишлаб чиқариш жараёнида электромобилларнинг эҳтиёт қисмларидан фойдаланилмоқда.

Tesla инженерлари тақдим этган видеода ИВЛ аппаратини йиғиш жараёни кўрсатилган. Бунда ишлаб чиқариш жараёнини жиддий тарзда ўзгартирмасдан, тез орада аппаратларни оммавий тарзда йиғиш йўлга қўйилиши қайд этилган.

Tesla компанияси асосчиси Илон Маск коронавирус тарқалиши ҳақидаги хабарларга жиддий эътибор бермаяпти ва унинг олдини олишга қаратилган чораларни «аҳмоқона ваҳима» деб ҳисобламоқда. Аввалроқ у фақат ҳукумат босими остида Tesla заводларини тўхтатишга рози бўлди. Нью-Йорк шаҳри мэри илтимос қилганидан сўнг, тадбиркор «Нью-Йорк буюртма берди» ибораси билан ИВЛ аппаратларини йиғишни бошлади.

#Tesla

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.