Япония валиаҳд шаҳзодаси шифокорлар учун ҳимоя костюмлари тикди

Япония валиаҳд шаҳзодаси Фумихито ва унинг оиласи аъзолари коронавирус пандемиясига қарши курашаётган тиббий ходимларга ҳимоя кийимлари тикди.

Фото: asahi.com

Шаҳзода шу тариқа тиббий ходимларга ўз ёрдам қўлини чўзишга ҳаракат қилган. Бу ҳақда Asahi нашри хабар берди.

Ҳимоя кийимларини тикишда император саройи бошқармаси ходимлари ҳам иштирок этган.

Шаҳзода Япония шифохоналарида ҳимоя кийимлари тақчиллиги маълум бўлгандан кейин уларни тикишга бел боғлаган.

Кийимларга коронавирусга қарши курашаётган барча тиббий ходимларга миннатдорлик сўзлари билдирилган ёзувлар бириктирилган бўлган.

54 ёшли Фумихито 2019 йил апрелда ўз хоҳишига кўра тахтдан кетган император Акихитонинг кенжа ўғли ва ҳозирда ҳукмронлик қилаётган император Нарухитонинг укаси ҳисобланади.

#Япония #валиаҳд шаҳзода #Фумихито