Қўшимча функционаллар
-
Тунги кўриниш
Тестларнинг илк куни 1-сменасида телефон билан қўлга тушган абитуриентлар сони очиқланди
2 сентябрь куни биринчи сменадаги тестларда тартибни бузгани учун 29 абитуриент тестдан четлаштирилди, улардан 26 нафари – телефон ва бошқа турли электрон воситалардан фойдаланган. Яна 4 абитуриент телефон билан кирмоқчи бўлгани учун четлаштирилган.
Давлат тест маркази директори ўринбосари Сардор Ражабов ОТМларга кириш тестларининг илк куни 1-сменасига оид рақамларни маълум қилди. Бу ҳақда Kun.uz мухбири хабар бермоқда.
«1-смена имтиҳонлари 08:00дан 11:00гача ўтказилди. Бугун 1-сменада 59 250 нафар абитуриент тест топшириши режалаштирилган эди. Уларнинг 55 767 нафари иштирок этди. Тезкор маълумотларга кўра, 3 474 нафар абитуриент турли сабабларга кўра тестга келмади.
1 нафар абитуриентнинг тана ҳарорати 37 даражадан баланд бўлгани учун тестга киритилмаган.
Тест қоидаларини бузгани учун 8 нафар абитуриент кириш жойида тест синовларидан четлаштирилди. Уларнинг 4 нафари телефон, 1 нафари шпаргалка, 2 нафари бошқа абитуриент ўрнига кирмоқчи бўлган, 1 нафари ҳужжатни сохталаштиргани учун четлаштирилган», – деди Сардор Ражабов АОКАдаги брифингда.
Қайд этилишича, тест синовлари жараёнларида тартиб-қоидани бузгани учун 29 нафар абитуриент тестдан четлаштирилган. Уларнинг 26 нафари телефон ва бошқа турли электрон воситалардан фойдалангани учун, 1 нафари шпаргалка, 1 нафари калькулятор ва 1 нафари сохта ҳужжат билан тестга киргани учун четлаштирилди.
Қабул-2020
Мавзуга оид
15:10 / 07.12.2023
Аввал тест ишлаб, кейин қаерда ўқиш танланади – 2024 йилдан абитуриентлар қабули ўзгаради
15:07 / 03.11.2023
Умумтаълим фанларидан ўқишга тавсия этилган дарсликлар рўйхати эълон қилинди
15:01 / 21.09.2023
Максимал балл тўплаб контрактга кирган талабалар грантга ўтказилади
08:22 / 12.09.2023