Хивада тадбиркорга тўлов талабномани йўқотишни ваъда қилган фирибгар ушланди

Бош прокуратура ҳузуридаги Департаментнинг Хива туман бўлими томонидан фирибгарлик жинояти фош этилди.

Қайд қилинишича, «Хива тумани йўллардан фойдаланиш» унитар корхонаси билан «Г» МЧЖ ўртасида шартнома тузилган ва аванс тариқасида 200 млн сўм ўтказилган. 

Аммо ишлар тўлиқ бажарилмагани сабабли, «Г» МЧЖ ҳисоб рақамига тўлов талабномаси қўйилган. 

«Хива тумани йўллардан фойдаланиш» унитар корхонаси юрисконсульти Б.А. ушбу талабномани бекор қилдириб беришни ваъда этиб, «Г» МЧЖ раҳбаридан 2 500 АҚШ долларини фирибгарлик йўли билан олган вақтида ашёвий далиллар билан ушланган.

Ҳолат юзасидан Жиноят кодексининг 168-моддаси (фирибгарлик), 28-, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.