Андижонда "Nexia" ва "Damas" иштирокида ЙТҲ содир бўлди

Андижон вилояти, Хўжаобод тумани ҳудудидан ўтувчи автомобил йўлида "Nexia" ва "Damas" иштирокида тўқнашув содир бўлган. Бу ҳақда Йўл ҳаракати хавфсизлиги бош бошқармаси ахборот хизмати хабар берди.

Хабарда келтирилишича, 25 октябр куни соат 11:30 ларда ҳайдовчи, 1982 йилда туғилган О.Б. бошқарувидаги "Nexia" ҳамда ҳайдовчи 1978 йилда туғилган А.Ш. бошқарувидаги "Damas" русумли автомобиллар тўқнашиб кетган.

Натижада "Damas" русумли автомобил йўловчиси, 1964 йилда туғилган Г.А. тан жароҳати билан шифохонага ётқизилган. 

Мазкур ЙТҲ юзасидан Хўжаобод тумани ИИБ ЙҲХБ томонидан суриштирув ҳаракатлари олиб борилмоқда.