Снарядлардан илма-тешик бўлган дала майдони ва Бахмутдаги ярадорлар. Уруш суратлари

7 июн куни ДХР олий судида Украина томонида жанг қилган ва асирликка тушган хорижликлар устидан суд жараёни бошланди. РФ мудофаа вазири Сергей Шойгу Северодонецкдаги аҳоли яшовчи кварталлар ва ЛХР ҳудудининг 97 фоизи «озод этилгани» ҳақида айтди. Рус православ черковининг бош идораси (синод) Қримда жойлашган епархияни тўғридан тўғри патриарх Кирилл бўйсунувига ўтказишга қарор қилди. Россия нашрлари Запорожье «ҳарбий-фуқаролик маъмурияти раҳбари» деб атаётган Евгений Балицкий региондан Қримга буғдой ортилган илк поезд йўл олгани ҳақида маълум қилди. «Медуза» урушнинг 104-кунида олинган асосий суратларни намойиш этди.

Урушнинг 105-куни. Сўнгги соатлардаги асосий маълумотлар:

• Украина Бош штабининг 8 июн кунги ахборотига кўра, фронтдаги асосий участкаларда сезиларли ўзгаришлар йўқ: Северодонецкда жанглар давом этмоқда, россияликлар ҳамон Бахмут-Лисичанск трассасини тўсиб қўя олишмаган, аммо украинларнинг ушбу йўл бўйидаги позициялари тинимсиз ўққа тутилмоқда; россиялик ҳарбийларнинг Тошковка ва Устиновкани эгаллаб, бу ердан Лисичанск-Северодонецк агломерацияси шимолига ўтиш учун уринишлари бесамар кетмоқда.
• Украина президенти Володимир Зеленский сешанба куни кечқурунги видеомурожаатида кейинги ҳафтада «Жаллодлар китоби» тўплами чиқиши, унда Россия армиясининг Украинада содир этган ҳарбий жиноятлари жамланишини маълум қилди.
• Россия ТИВ раҳбари Сергей Лавров Украинадан денгиз орқали буғдой экспорти блокировкаси очилиши бўйича музокаралар ўтказиш учун Туркияга келди.
• Times маълумотига кўра, Роман Абрамович ЕИга Европа Иттифоқи ва Британияда улкан солиқлар тўлагани, ҳеч қачон Путиннинг Украина бўйича сиёсатини қўллашини айтмаганини, шу туфайли унга қарши санкциялар адолатсиз эканини кўрсатувчи ҳужжатлар тақдим этган.

Киев области

Харков 

Донбасс шимоли