Фарғона вилоятида ҳаракатдаги Orlando ёниб кетди

Фарғона вилояти Ёзёвон туманида ҳаракатланиб кетаётган Orlando автомобилида содир бўлган ёнғин ўчирилди, деб хабар бермоқда вилоят ФВБ матбуот хизмати.

Маълум қилинишича, 12 июн куни соат 09:56 да туманнинг «Янгибўстон» МФЙ ҳудудида ҳаракатланиб кетаётган, 2014 йилда ишлаб чиқарилган Orlando русумли автомобилнинг техник носозлиги оқибатида ёнғин келиб чиққан.

Ўт ўчирувчилар ёнғин жойига соат 10:14 да етиб боришган, ёнғин соат 10:15 да ўраб олиниб, 10:19 да ўчирилган. Тахмин қилинишича, ҳодисага электр симлари қисқа туташуви сабаб бўлган.

Ҳодиса оқибатида ҳеч ким жабрланмаган.

Бундан аввалроқ Тошкент вилояти Бўстонлиқ туманида Captiva ёниб кетгани хабар қилинганди.