Донецк йўлларига сочилган миналар, Бахмут ва Миколайивда ёнғинлар. Уруш суратлари

Украинада урушнинг 158-куни ўтди. Сўнгги маълумотлар:

31 июл куни РФ мудофаа вазирлиги Россия томони БМТ ва Қизил Хоч халқаро қўмитаси экспертларини Оленивкадаги ҳарбий асирлар ўлимини текширишга таклиф қилди. Қизил Хоч қўмитасидагилар эса Россия томонидан терговга таклиф қилингани ҳақида хабар олмаганини, ташкилот ходимлари эса Оленивкага киритилмаганини маълум қилди.
Севастополда Қора денгиз флоти штабида портлаш рўй берди, натижада олти киши яраланган. Маҳаллий расмийлар маълумотига кўра, портловчи қурилма дрон орқали элтилган. Шаҳарда террорчилик хавфининг «тўқсариқ» даражаси эълон қилинди, ҳарбий-денгиз флоти кучлари байрами муносабати билан режа қилинган тадбирлар бекор қилинди.
Миколайивга навбатдаги зарбалар оқибатида Украинанинг энг бадавлат кишилари қаторида турувчи, «Нибулон» аграр компанияси асосчиси Олексий Вадатурский ва унинг рафиқаси ҳалок бўлди.
Донецкда кўчаларда пиёдаларга қарши «гулбарг»-миналар пайдо бўлди: маҳаллий расмийлар бундай митти миналар Украина қуролли кучлари томонидан ташланганини айтди, Украина томони бу маълумотни расман изоҳламаган.

Қуйида 31 июл куни Украинанинг турли ҳудудларида олинган суратлар.

Донбасс шимоли