Қўшимча функционаллар
-
Тунги кўриниш
Навоийда 2 нафар солиқчи пора олаётганда ушланди
Уларга нисбатан қамоққа олиш эҳтиёт чораси қўлланган.
Ижтимоий тармоқларда Навоий вилоятида солиқ идораси ходимлари тезкор тадбирда қўлга олингани ҳақидаги хабарлар тарқалди. Навоий вилояти прокуратураси ҳолат юзасидан расмий баёнот берди.
Маълум қилинишича, Навоий вилояти давлат солиқ идораси ходимлари З.А. ва Б.Ш. ҳудуддаги МЧЖлардан бирига қарашли кафеда ўтказилган сайёр солиқ текшируви натижасини тадбиркор фойдасига ижобий ҳал қилиб бериш эвазига 10 000 АҚШ доллари талаб қилган. Улар 2022 йил 18 ноябрь куни Навоий шаҳрида келишилган пулдан 9 000 долларини МЧЖ раҳбаридан олган вақтида ҳуқуқни муҳофаза қилувчи органлар томонидан ўтказилган тезкор тадбирда ушланган.
Ҳолат юзасидан З.А. ва Б.Ш.га нисбатан Жиноят кодексининг 210-моддаси 2-қисми билан жиноят иши қўзғатилган.
Прокуратура баёнотига кўра, жиноят иши юзасидан Навоий вилоят прокуратураси томонидан олиб борилаётган тергов ҳаракатлари давомида қамоққа олиш тарзидаги эҳтиёт чораси қўлланган.
Мавзуга оид
08:37 / 26.05.2025
Ички ишлар органларига ишга киритиб қўймоқчи бўлган шахслар ушланди
20:04 / 22.05.2025
Хоразмда солиқ инспекторига, Қашқадарёда эса суд экспертига нисбатан жиноят иши қўзғатилди
22:18 / 14.05.2025
“170 дона 200 сўмлик” — Навоийда пенсиянинг бир қисми тангада тўланаётгани айтиляпти
13:30 / 07.05.2025