Ҳавайида дунёдаги энг йирик вулқонлардан бири «уйғонди»

Қўшма Штатларнинг Ҳавайи оролларида Мауна-Лоа вулқони «уйғонди».

Фото: USGS

Ушбу вулқон Ер юзидаги фаол вулқонларнинг энг каттаси бўлиб, қирқ йилдан бери «уйқуда» эди.

Ҳозирча, лава оқимлари вулқон қозони (кальдера) ичида қолмоқда, аммо исталган вақтда ташқарига отилиши мумкин. Шу сабабли, вулқонга яқин жойларда фавқулодда хизматлар тўлиқ тайёргарлик ҳолатига келтирилган. Агар лава оқиши бошланса, атрофдаги ҳудудлар аҳолиси зудлик билан эвакуация қилинади.

АҚШ Геологик хизмати «лава кальдерадан оқиб чиққанга ўхшаётгани» ҳақида хабар берди.

Ҳавайи Ер юзидаги вулқонлари энг фаол бўлган ҳудудлардан бири ҳисобланади. У ерда олтита фаол вулқон бўлиб, иқтисодиётга жиддий зарар етказган сўнгги отилиш 2018 йилда содир бўлган эди.

#АҚШ #Ҳавайи #вулқон отилиши