Қўшимча функционаллар
-
Тунги кўриниш
Шойгу биринчи марта Пригожиннинг қуролли исёни ҳақида фикр билдирди
У ушбу воқеаларни Россиядаги вазиятни беқарорлаштиришга уриниш ва провокация деб атади.
Фото: Россия мудофаа вазирлиги
Россия Мудофаа вазири Сергей Шойгу 24 июнь куни «Вагнер» асосчиси Евгений Пригожин томонидан уюштирилган қуролли исён ҳақида илк бор изоҳ берди. Унинг селектор йиғилишидаги нутқини Мудофаа вазирлиги келтирди.
Мулозим ушбу воқеаларни Россиядаги вазиятни беқарорлаштиришга уриниш ва провокация деб атади. Шойгу сўзларига кўра, исёнчиларнинг режалари барбод бўлган, чунки Қуролли кучлар шахсий таркиби «қасамёд ва ҳарбий бурчга содиқлик кўрсатган». Бу воқеалар қўшинлар гуруҳлари ҳаракатларига таъсир қилмади, деди Шойгу.
Мудофаа вазири исён содир бўлган кундан бери омма олдида гапирмаган эди.
Пригожин 23 июнь куни Москва томон «адолат марши»ни эълон қилди, 24 июнь куни эрталаб «вагнерчилар» Ростов шаҳридаги бир қатор маъмурий ва ҳарбий биноларни назоратга олди. У «юришдан» мақсад Мудофаа вазири Сергей Шойгу ва Бош штаб бошлиғи Валерий Герасимовни «қўлга олиш эканини» айтди.
Владимир Путин буни қуролли исён, хиёнат ва орқадан пичоқ уриш деб баҳолади.
24 июнь куни кечқурун Пригожин юришни тўхтатгани, «Вагнер» жангчилари дала лагерларига қайтишини эълон қилди.
Кейинроқ, Кремль Лукашенко воситачилигида Пригожин билан келишиб олинганини маълум қилди. Унга нисбатан очилган жиноят иши тугатилди ва Беларусга кетишига рухсат берилди.
Пригожин исёни
Мавзуга оид
20:48 / 13.07.2025
Санкт-Петербургда мигрантлар темир панжаралар орасида ётишга мажбур бўлаётганига изоҳ берилди
18:58 / 13.07.2025
Шимолий Корея Украинадаги уруш вақтида Россияга 12 миллиондан ортиқ снаряд етказиб берди
23:38 / 12.07.2025
Путин Зеленский билан фақат Украина таслим бўлган тақдирдагина учрашишга рози бўлади – Кислица
21:38 / 12.07.2025