Бахмут атрофидаги ярадорлар ва Харкив областида кимсасиз қолган қишлоқ. Уруш суратлари

Украинада урушнинг 507-куни ўтди. Асосий маълумотлар:

• Россия ФХХ Симоньян ва Собчак ҳаётига «суиқасд»нинг олди олингани ҳақида хабар берди. Гўёки уларни неонацистлар «Украина хавфсизлик хизмати буюртмаси бўйича» ўлдирмоқчи бўлган.
• Украина қуролли кучлари қарши ҳужумнинг дастлабки икки ҳафтасида фронтга етказиб берилган ҳарбий техникаларнинг 20 фоизини йўқотгани хабар қилинди.
• Беларусда «Вагнер» ХҲКнинг йирик ҳарбий колоннасини учратишди.
• Россия қўшини Украина бўйлаб Shahed дронлари билан зарба йўллади. Олти дрондан тўрттаси уриб туширилган.
• Жанубий Корея президенти олдиндан эълон қилинмаган ташриф билан Украинага келди.

Бахмут яқинидаги тиббиёт пункти

Бахмут яқинида бир йилдан буён оғир жанглар давом этмоқда. Қуйида — фронт чизиғидан олиб келинган украин ҳарбийларига 80-бригада врачлари ёрдам кўрсатувчи стабилизация пунктида олинган кадрлар.

Украиналик артиллериячи портрети 

Харкив областидаги қишлоқда деоккупациядан кейинги манзаралар 

Петербург яқинидаги оилавий тарихий танк парки

Санкт-Петербург яқинидаги Гатчинское шосседа «Стальной десант» номи остида «оилавий тарихий танк парки» фаолият кўрсатмоқда. Июл ойида унинг ташкилотчилари Курск дўгасидаги жанг реконструкция қилиниши ҳақида анонс беришганди: «Сизни уникал дам олиш кунлари ўтказишга, танкда сайр қилишга, Курск жангидаги тўпдан отишга ва ҳарбий-дала лагери кўргазмасига ташриф буюришга таклиф қиламиз, — дейилади ташкилотчиларнинг „ВКонтакте“даги саҳифасида. — Болалар билан бирга келинг, уларга келажакда якуний Ғалабани ҳал қилган энг буюк жанг ҳақида ҳикоя қилиб беринг!»