Хоразм вилояти ИИБга янги бошлиқ тайинланди

Даврон Назармуҳамедов ўрнига полковник Равшан Султонхўжаев Хоразм вилояти ИИБнинг янги бошлиғига айланди. У бунга қадар Тошкент шаҳри ИИББ бошлиғи ўринбосари эди.

Фото: ИИБ ахборот хизмати

Ички ишлар вазири буйруғи билан полковник Равшан Эркинович Султонхўжаев Хоразм вилояти ИИБ бошлиғи лавозимига тайинланди.

Тайинловга қадар у Тошкент шаҳар Ички ишлар бош бошқармаси бошлиғи ўринбосари — Ҳуқуқбузарликлар профилактикаси бошқармаси бошлиғи лавозимида хизмат қилган.

Хоразм вилояти ИИБга 2019 йилдан буён генерал-майор Даврон Назармуҳамедов бошлиқ эди. У 2023 йил август ойи бошида Ички ишлар вазири ўринбосари — Маънавий–маърифий ишлар ва кадрлар билан таъминлаш департаменти бошлиғи лавозимига тайинланди.

#тайинлов #Даврон Назармуҳамедов #Хоразм вилояти ИИБ #Равшан Султонхўжаев