Instagram хабарларни таҳрирлаш функциясини жорий қилди

Бироқ, бу имкониятдан хабар юборилганидан кейин фақат 15 дақиқа давомида фойдаланиш мумкин.

Instagram ижтимоий тармоғи иловага янги функция қўшди, унинг ёрдамида фойдаланувчилар юборилган хабарларни таҳрирлаш имкониятига эга бўлади. Бироқ, бу имкониятдан хабар юборилганидан кейин фақат 15 дақиқа давомида фойдаланиш мумкин.

Илгари, агар хабардаги хатони тузатишга тўғри келса, ягона вариант уни ўчириш ва қайта юбориш эди.

Хабарни таҳрирлаш учун уни босиб туриш ва қалқиб чиқувчи меню пайдо бўлгач, «Таҳрирлаш» бандини танлаш керак. Таҳрирлашдан сўнг, ўзгартирилган хабар «Таҳрирланган» деб белгиланади.

2023 йил декабрида Google Messages хабар жўнатгандан кейин таҳрирлаш имкониятини жорий қилди. 2022 йилда iMessage, 2023 йилда эса WhatsApp фойдаланувчилари ҳам шундай имкониятга эга бўлган эди.

#Instagram #технологиялар #ижтимоий тармоқ