Тошкентда автобус ҳайдовчилари кўпроқ қандай қоидабузарликлар содир қилаётгани очиқланди

“Тошшаҳартрансхизмат”га кўра, 2024 йилнинг ўтган 2-чорагида жами автобус ҳайдовчилари томонидан содир этилган 1392 та қоидабузарлик аниқланган.

Фото: Тошшаҳартрансхизмат

Тошкентда автобус ҳайдовчилари жорий йилнинг ўтган 2-чорагида энг кўп қандай қоидабузарликларга йўл қўйгани ҳақида маълум қилинди.

“Тошшаҳартрансхизмат”га кўра, айрим автобус ҳайдовчилари томонидан йўналиш давомида бир қатор қўпол қоидабузарликлар содир этилмоқда.

2024 йилнинг ўтган 2-чорагида жами 1392 та қоидабузарликлар аниқланган бўлиб, улардан:

955 таси уяли алоқа воситасидан фойдаланиш;
258 таси тамаки маҳсулотини истеъмол қилиш;
179 таси назорат учун мўлжалланган кузатув камераларига қасддан зиён етказиш каби қўпол қоидабузарликлардир.

#автобус #қоидабузарлик