Қўшимча функционаллар
-
Тунги кўриниш
“Ўзбекистон ва Қозоғистон ўртасидаги дўстона муносабатлар – бутун дунёга намуна” — Саида Мирзиёева
“Ер юзида зиддиятлар авж олаётган бир пайтда, Шавкат Мирзиёев ва Қосим-Жўмарт Тўқаев сиёсий тандеми Марказий Осиёни энг хавфсиз, гуллаб-яшнаётган, дўстона ҳудудга айлантиришга интилмоқда”, – деди президент ёрдамчиси Остонадаги нутқида.

Фото: Саида Мирзиёева / Telegram
Бугун Ўзбекистон ва Қозоғистон ўртасидаги дўстона муносабатлар бутун дунёга намуна, деди Ўзбекистон президенти ёрдамчиси Саида Мирзиёева Остонада бўлиб ўтган “Заковат” ўйинларида сўзлаган нутқида.
У ўз сўзи аввалида ўзбек ва қозоқ халқларининг яқин дўстлигини қайд этди. Ўзимизни худди уйимизда юргандек ҳис қиляпмиз, умумий жиҳатларимиз жуда кўп: анъаналар, урф-одатлар, маданият, ошхонамиз, исмлар, тарих, дин ва меҳмондўстлигимиз, деди Мирзиёева.
“Нега айнан бугун ўзимизни худди уйимиздагидек ҳис қиляпмиз, деяпман? Илгари қандай бўлганини эслайсизми? Менинг ёдимда. Ҳамманинг ёдида.
Совуққина муносабатлар... Ўзбекистон билан Қозоғистон чегарасида соатлаб навбат кутиш... Ҳадик... Ўзимизни уйимизда юргандек ҳис қила олармидик?
Бугун эса Ўзбекистон ва Қозоғистон ўртасидаги дўстона муносабатлар бутун дунёга намунадир. Бизнинг йўлбошчиларимиз энг муҳим саволларга жавоб топа олдилар. Ер юзида зиддиятлар авж олаётган бир пайтда, Шавкат Мирзиёев ва Қосим-Жўмарт Тўқаев сиёсий тандеми Марказий Осиёни энг хавфсиз, гуллаб-яшнаётган, дўстона ҳудудга айлантиришга интилмоқда”, – дея таъкидлади Мирзиёева.
Мавзуга оид

20:03 / 07.07.2025
Саида Мирзиёева Зойид номидаги халқаро мукофотнинг ҳакамлар ҳайъатига киритилди

19:53 / 27.06.2025
Саида Мирзиёева Fitch Ўзбекистон кредит рейтингини оширганини эътироф этди

18:10 / 27.06.2025
Саида Мирзиёева оммавий ахборот воситалари ходимларини табриклади

22:06 / 23.06.2025