Полшада ЙТҲда жабрланган Ўзбекистон фуқаросига ёрдам кўрсатилди

Ўзбекистоннинг Полшадаги элчихонасининг консуллик бўлими томонидан Краков шаҳрида жиддий автофалокатга учраган ва қўли ҳамда оёғига шошилинч операция зарур бўлган Ўзбекистон фуқаросига тегишли ёрдам кўрсатилди.

Фото: Дунё

Ўзбекистон элчихонасининг telegram-каналида маълум қилинишича, фуқарога тезроқ ватанга қайтиши учун барча зарур ҳужжатлар расмийлаштирилди.

"Чет элда бўлган фуқароларимизга йўлларда эҳтиёткор ва огоҳ бўлишни, шунингдек, бўлиб турган давлатнинг қонунларига ҳурмат билан муносабатда бўлишни тавсия қиламиз", – дейилади элчихона хабарида.

Ҳар қандай фавқулодда ҳолатларда Ўзбекистоннинг Полшадаги элчихонасининг консуллик бўлимига мурожаат қилиш мумкин.

#Полша #Краков