Британия биринчи марта дронни лазер ёрдамида уриб туширди

Британия армияси биринчи марта зирҳли машинага ўрнатилган юқори энергияли лазер қуролидан муваффақиятли фойдаланди. Унинг ёрдамида учувчисиз учиш аппарати муваффақиятли йўқ қилинди, деб хабар берди Британия Мудофаа вазирлиги.

Синовдан ўтган қурол инфрақизил ёруғликнинг кучли нурини энергия кўринишида нишонга йўналтиради. Нишонга олишнинг аниқлиги илғор сенсорлар ва кузатув тизимлари томонидан таъминланади. Анъанавий қурол турларидан муҳим афзаллик - бу ўқ-дорилар сонига чекловнинг йўқлиги. Британия Мудофаа вазирлиги бу лазер қуролларини мавжуд қуролларга нисбатан тежамкорроқ бўлишини таъкидлади.

Синовлар давомида лазер Британия ва Украина армиялари томонидан фойдаланиладиган Wolfhound кўпмақсадли зирҳли машинасига ўрнатилди. Отишма Уэлс марказидаги Раднор полигонида содир бўлди.

«Энергия лазер қуролини намойиш қилувчи қурилманинг муваффақиятли синовдан ўтказилиши келажакдаги имкониятлар сари муҳим қадамдир. Бу технология қуролли кучларимиз самарадорлигини ошириб, ҳозирги ва келажакдаги таҳдидларни енгиш учун ишончли ва тежамкор воситаларни таклиф қилиши мумкин», деди Мэтт Корк, қуролни ишлаб чиқишда иштирок этган Hersa Dstl жамоаси раҳбари.

Аввалроқ, АҚШ армияси биринчи бўлиб жанговар шароитларда лазер қуролларини муваффақиятли қўллаган эди. Лабораториялар ва синов майдончаларида лазерлар 1970 йиллардан бери нишонларни муваффақиятли йўқ қилмоқда. Аммо ҳақиқий жангда ҳали ҳеч ким буни уддалай олмаётган эди.