Қўшимча функционаллар
-
Тунги кўриниш
Самарқанд шаҳрининг собиқ прокурори Навоий шаҳрига прокурор бўлди
Адлия катта маслаҳатчиси Бобурмирзо Облақулов Навоий шаҳри прокурори этиб тайинланди.
Фото: Самарқанд шаҳар ҳокимлиги
Бош прокурорнинг тегишли буйруғи билан Адлия катта маслаҳатчиси Бобурмирзо Облақулов Навоий шаҳри прокурори этиб тайинланди. Бу ҳақда шаҳар ҳокимлиги матбуот хизмати хабар берди.
Тайинловга қадар Бобурмирзо Облақулов Самарқанд шаҳри прокурори лавозимида фаолият юритган. Ўтган ҳафта у бошқа ишга ўтгани сабаб лавозимдан озод этилган эди. Нарпай тумани прокурори лавозимида ишлаб келган Бахтиёр Норматов унинг ўрнига Самарқанд шаҳри прокурори этиб тайинланган.
Бобурмирзо Облақулов 1972 йилда Каттақўрғон туманида туғилган. 1989 йил Самарқанд шаҳар 31-умумтаълим мактабини тамомлаган, 1991−1995 йилларда Самарқанд давлат университетида ўқиган, мутахассислиги ҳуқуқшунос.
Самарқанд шаҳри прокурорлигидан олдин у Бош прокуратура, Самарқанд вилоят прокуратурасида фаолият кўрсатган. Паст Дарғом, Оқдарё туманларида прокурор лавозимида ишлаган. 2019—2022 йиллар давомида Самарқанд шаҳри ҳокими лавозимида ҳам фаолият юритган.
Мавзуга оид
21:06 / 22.05.2025
Самарқанд шаҳрига янги прокурор тайинланди
08:34 / 20.03.2025
“Коррупциявий туйнук”ларни таг-томири билан йўқ қилиш чораларини кўрамиз - бош прокурор
20:49 / 30.11.2024
Навоийда 162 хонадонли “новостройка” 425 кишига сотилган. Жабрланувчилар терговдан норози
11:51 / 01.10.2024