Ўзбекистон ва Исроил ўртасида авиақатновлар тўхтатилди

Бунга Исроил ҳаво ҳудудининг ёпилгани сабаб бўлди.

Фото: Kun.uz

Исроил Давлати ҳаво ҳудудининг вақтинча ёпилгани муносабати билан ушбу мамлакат билан авиақатновлар вақтинча тўхтатилди. Бу ҳақда Ўзбекистоннинг Исроилдаги элчихонаси хабар берди.

Қайд қилинишича, Исроил ҳукумати ва тегишли авиация идораларидан ҳаво ҳудуди очилгани тўғрисида расмий хабар келиб тушиши билан, Ўзбекистон авиакомпаниялари томонидан кейинги амалиётлар юзасидан алоҳида маълумот тақдим этилади.

Элчихона юртдошларни хавфсизлик қоидаларига қатъий риоя қилишга, мамлакатда бўлиш вақтида эҳтиёткорликни оширишга ва ракета отишмалари пайтида бошпаналарни тарк этмасликка чақирди.

#Исроил #элчихона #авиақатнов