Британиянинг ташқи разведкасига тарихда биринчи марта аёл киши раҳбар бўлади

47 ёшли Блэйз Метревели кузда МИ6 раҳбари бўлади.

Фото: DPA

Буюк Британия бош вазири Кир Стармер Ташқи ишлар вазирлигининг Махфий разведка хизмати (МИ6, ташқи сиёсат разведкаси) бошлиғи этиб Блэйз Метревели тайинланишини маълум қилди.

«Метревели агентлик тарихидаги ўн саккизинчи раҳбар ва Буюк Британия душманлари томонидан таҳдидлар кучайиб бораётган бир пайтда бу лавозимдаги биринчи аёл бўлади», дейилади баёнотда. Метревелининг ўзи бу тайинланишдан «ғурурланишини» ва буни «шараф» деб билишини айтди.

Блэйз Метревели МИ6 амалдаги раҳбари Ричард Мур ўрнини эгаллайди, у агентликни 2020 йилдан буён бошқариб келган ва шу йил кузида ўз лавозимини тарк этади. Махфий разведка хизмати раҳбари агентликнинг ягона ошкор ходими ҳисобланади.

Блэйз Метревели 47 ёшда ва 1999 йилдан бери Британия разведка хизматларида ишлайди, деб ёзди BBC News. Метревели ҳозир технология ва инновациялар учун масъул бўлган МИ6 бўлими Q раҳбари бўлиб ишлаяпти. Бунгача у Британия хавфсизлик хизмати (МИ5) – Британия контрразведка агентлигини бошқарган.

#Буюк Британия #Блэйз Метревели #МИ6