Япониялик боксчи чемпионлик унвони учун жангдан сўнг хотирасини йўқотди

У бошидан кучли зарба еб, рингга қулади. Сўнгра бўлиб ўтган воқеаларни унутди.

Фото: sanspo.com

Япониялик боксчи Цутому Сасаки ярим ўрта вазн тоифасида WBO йўналиши бўйича жаҳон чемпиони унвони учун америкалик Брайан Норманга қарши жангдан сўнг бир ярим ойлик хотирасини йўқотди.

Сасаки ва Норман ўртасидаги жанг 19 июн куни Токиода бўлиб ўтди. Биринчи раунддаёқ америкалик япониялик рақибини икки марта нокаутга учратди ва бешинчи раундда бошига кучли зарба бериб, рингга қулатди. Шундан сўнг, ҳакам жангни тўхтатишга мажбур бўлди.

Зарбадан кейин Сасаки бошининг орқа қисми билан рингга қулади ва ҳушини йўқотган. Боксчи тахминан бир дақиқа ҳушсиз ётди, шундан сўнг уни замбилда олиб чиқишди.

佐々木尽選手残念...
世界ウェルター級の壁はあまりにも高かった... pic.twitter.com/4KOXyYTDBt
— 或津路 (@Arutsur0) June 19, 2025

Шифохонада япониялик боксчи бир ярим ойлик хотирасини йўқотгани маълум бўлди. Сасаки жангнинг боришини ва ҳатто жанг ҳақида қандай келишилганини эслай олмади.

«Сасаки шифохонага олиб кетилди, у ерда тиббий кўрикдан ўтказилди, хусусан, компютер томографиясидан. Унда жисмоний жароҳат ёки ички қон кетиши йўқ, лекин бошининг орқа қисми билан қаттиқ урилиб, хотирасини йўқотди. Сасакининг аҳволини кузатиб борамиз», деди ташкилотчи Накаи Иссей.

#Япония #бокс #Цутому Сасаки