БМТ Халқаро суди: Давлатлар иқлимни ҳимоя қилиш мажбуриятига эга

БМТ Халқаро суди қарорига кўра, давлатлар халқаро ҳуқуқ бўйича иқлимни парник газлари ташланмалари таъсиридан ҳимоя қилишга мажбур. Бу ҳақда 23 июл, чоршанба куни ташкилот сайтида маълум қилинди.

Суд тасдиқлашича, БМТнинг иқлим ўзгариши бўйича ҳадли конвенцияси, Киото протоколи ва Париж келишуви каби шартномалар иштирокчиси бўлган давлатлар ташланмаларни камайтириш ва иқлим ўзгаришига мослашиш, шунингдек, бу соҳада бир-бири билан ҳамкорлик қилиш, жумладан, исишни Целсий бўйича 1,5 даража миқдорида чеклаш мақсадига эришиш мажбуриятини олади.

Суд, шунингдек, иқлим шартномалари доирасидан ташқарида ҳам, давлатлар одатий халқаро ҳуқуқ бўйича «атроф-муҳитга жиддий зарар етказилишининг олдини олиш» ва бундай оқибатларнинг олдини олиш учун барча мавжуд чораларни кўриш, шунингдек, ушбу соҳада бир-бири билан ҳамкорлик қилиш мажбуриятига эга эканлигини аниқлаштирди.

Суд қарорида таъкидланишича, «тоза, соғлом ва барқарор атроф-муҳит кўплаб инсон ҳуқуқларидан фойдаланишнинг асосий шарти» экан, давлатлар иқлим ўзгаришига қарши курашиш орқали бундай ҳуқуқлардан фойдаланишни кафолатлаши керак.