Тирноқ парвариши: соғлом ва мустаҳкам бўлиши учун 6 оддий қоида

Тирноқлар бизнинг одатларимиз, саломатлигимиз ва ўзимизга бўлган эътиборимизни акс эттирувчи митти тана аъзоларимиздир. Тирноқнинг асосини кератин деб аталадиган мустаҳкам оқсил ташкил этиб, нотўғри парвариш ёки қуруқлик унинг мўртлашиши, синишига олиб келиши мумкин. Қуйида тирноқларни уй ва салон шароитида тўғри парваришлаш ҳақида фойдали маълумотлар бериб ўтамиз.

 Тирноқларингизни мунтазам намлантириш: глицерин ёки шеа ёғи асосидаги кремлардан суртиш кератин намлигини 20 фоизгача оширади ва тирноқ синиш хавфини икки баравар камайтиради.

Уларни тўғри шаклда қирқиш: тирноқларни тўғри чизиқда ва енгил юмалоқлаб қирқиш уларнинг эт ичига ўсиб кириш хавфини 80 фоизгача камайтиради.

Уй ишларини бажараётганда қўлқоп тақиш: сув ва кимёвий воситалар билан узоқ ишлаш кератин структурасини 3 марта тезроқ емиради. Латекс ёки винил қўлқоп бунинг олдини олади.

Салон шароитида фақат стерил асбобли хизматдан фойдаланиш: автоклавда 121°С да 15 дақиқа стерилизация қилинган металл асбоблар 99,9 фоиз бактерия ва замбуруғларни йўқ қилади. Шу йўсин қон орқали юқиши мумкин бўлган касалликларнинг олдини олади.

Кутикулаларни кесмаслик керак: уни махсус юмшатувчи восита билан орқага суриш инфекция тушиш хавфини 60 фоизгача камайтиради.

Гел ва лакдан сўнг тирноқларингизга дам бериш: ҳар 2-3 ойда камида 1-2 ҳафта қопламаларсиз юриш кератин қатламини соғлом сақлашга ёрдам беради.