Putin Rossiyaning eng yuqori tashkilotlaridagi qator amaldorlarni ishdan bo‘shatdi

Rossiya prezidenti Vladimir Putin davlat rahbari ishlar boshqarmasi, Federal xavfsizlik xizmati, Mudofaa vazirligi va Ichki ishlar vazirligining qator xodimlarini vazifasidan ozod etdi, deb xabar bermoqda Kreml matbuot xizmati.

Unga ko‘ra, FXXda boshqarma boshlig‘i, prezident ishlari boshqarmasi bo‘limi rahbar o‘rinbosari, Mudofaa vazirligining harbiy-tibbiy bosh boshqarmasi rahbari va Ichki ishlar vazirligi tergov departamenti boshlig‘i hamda vazir o‘rinbosari bo‘lgan amaldor ishdan bo‘shatildi.  

Bunday kadrlar almashinuvi bu davlat xizmatchilarining Rossiya fanlar akademiyasiga saylanishi bilan bog‘liq, deb vaziyatga oydinlik kiritgan prezident matbuot kotibi Dmitriy Peskov.