Texasda «Harvi» qurbonlari soni 60 kishiga yetdi

AQShning Texas shtatida «Harvi» dovuli oqibatlari tufayli kamida 60 kishi halok bo‘ldi. Bu haqda Associated Press hukumat ma'lumotlariga asosan xabar qilmoqda.

Qurbon bo‘lgan fuqarolar hammasi bo‘lib 11 okrugdan ekani aytilmoqda. Fojiali hodisalarga asosan YTH va yo‘llardagi suv darajasining keskin ko‘tarilishi sabab bo‘lgan.

Eng ko‘p qurbonlar Hyuston shahri va unga yaqin hududlardan – so‘nggi ma'lumotlarga ko‘ra 30 kishi halok bo‘lgan.

«Harvi» dovuli shtatga 25 avgust kuni yopirildi.

Avvalroq dovul qurbonlari soni 44 kishiga yetgani xabar berilgandi.