Tadbirkorlik faoliyati bilan bog‘liq jinoyat ishlari viloyat prokurori roziligi bilan qo‘zg‘atiladi

1 aprelga qadar, surishtiruv va dastlabki tergov jarayonida tadbirkorlarning huquq va qonuniy manfaatlari himoyasini ta'minlash uchun sohaga o‘zgartirish kiritilmoqda. Bu haqda 2017–2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini «Faol tadbirkorlik, innovatsion g‘oyalar va texnologiyalarni qo‘llab-quvvatlash yili»da amalga oshirishga oid Davlat dasturi loyihasida e'lon qilindi.

9 yanvardan keng jamotchilik muhokamasiga qo‘yilgan «Faol tadbirkorlik, innovatsion g‘oyalar va texnologiyalarni qo‘llab-quvvatlash yili» davlat dasturi loyihasida ta'kidlanishicha, tadbirkorlik faoliyati bilan bog‘liq jinoyat ishlarini viloyat va unga tenglashtirilgan prokuror roziligiga asosan qo‘zg‘atish tartibi belgilanadi. ​

Eslatib o‘tamiz, 2017 mart oyida O‘zbekiston Respublikasi Prezidenti huzuridagi Tadbirkorlik sub'yektlarining huquqlari va qonuniy manfaatlarini himoya qilish bo‘yicha vakili  ​instituni tashkil etish qarori imzolangandi. Shundan so‘ng, Oliy Majlis a'zolari tomonidan Biznes ombudsman tashkil etilishi ma'qullangan.