Turkiya bosh vaziri saylovlar sababli iste'foga ketishga tayyorligini ma'lum qildi

Foto: AP Photo / Petros Karadjias
Turkiya bosh vaziri Binali Yildirim Turkiya prezidenti Rajab Toyyib Erdo‘g‘an tomonidan muddatdan avval prezident va parlament saylovlari o‘tishi e'lon qilinishi sababli o‘z lavozimini tark etishga tayyorligini ma'lum qildi.
Erdo‘g‘an 18 aprelda Turkiyada muddatdan avval saylovlar 2018 yil 24 iyunda o‘tishini e'lon qildi. Uning aytishicha, bu prezident boshqaruv tizimiga tezroq o‘tish uchun kerak. Bu tizimga ko‘ra ijroiya hokimiyati rahbari prezident bo‘ladi, bosh vazir lavozimi esa tugatiladi.
“Mendan yangi hukumatda lavozimim bo‘lmasligiga qanday munosabatda ekanligimni so‘rashadi. Ularga davlatim kelajagi mening shaxsiy kelajagimdan ancha muhimroqdir, deb javob qaytaraman. Bugungi kungacha gap mamlakat foydasi haqida ketganda, o‘z shaxsiy manfaatlarim va ambitsiyalarimni chetga surganman”, deb aytgan Yildirim jurnalistlarga.
Turkiyada navbatdagi prezident va parlament saylovlari 2019 yil 3 noyabrga belgilangandi. Shundan keyin 2017 yil apreldagi referendumda qabul qilingan prezident tizimi haqidagi qoida kuchga kirishi kerak edi.
Mavzuga oid

17:01 / 24.05.2025
Turkiyada «Sulton Sulaymon» 1 yil 10 oy shartli qamoq jazosiga hukm qilindi

15:49 / 24.05.2025
O‘zbekiston Shusha deklaratsiyasiga qo‘shilgani haqidagi xabarlar rad etildi

21:12 / 23.05.2025
Turkiyada 2016 yilgi davlat to‘ntarishiga aloqador o‘nlab harbiylar hibsga olindi

20:30 / 17.05.2025