Qoʻshimcha funksionallar
-
Tungi ko‘rinish
AQSh Turkiya elchisining ortga chaqirtirib olinganiga izoh berdi
Foto: Alex Brandon/AP
AQSh Davlat departamenti rasmiy vakili Xizer Nauertning fikricha, Qo‘shma Shtatlardan turk elchisini ortga chaqirtirib olish mamlakatlar o‘rtasidagi munosabatlarni kuchsizlantirmaydi. Bu haqda RIA «Novosti» xabar bergan.
«Biz Turkiya o‘z elchisini ortga chaqirtirib olganidan xabardormiz. Turkiya bunday qilishga to‘la huquqi bor. Men bu holat bizning Turkiya hukumati bilan munosabatlarimizni kuchsizlantiradi, deb hisoblamayman. Ular NATO bo‘yicha muhim hamkor bo‘lib qoladi», - dedi Nauert.
Avvalroq, Turkiya hukumati AQSh va Isroildan o‘z elchilarini ortga chaqirtirib olishga qaror qilgani xabar berilgandi. Bunday vaziyat Turkiyaning AQSh elchixonasi Al-Qudsga ko‘chirilganidan norozi ekani bilan bog‘liq. Diplomatik missiyaning ko‘chirilishi tufayli G‘azo sektorida namoyishlar boshlandi, falastinliklarning Isroil armiyasi bilan to‘qnashuvlari yuz berdi, o‘nlab odamlar halok bo‘ldi.
Eslatib o‘tamiz, avvalroq Falastin Yevropaning to‘rt davlatidan elchilarini ortga chaqirtirib olayotgani xabar qilingandi.
Quddus Isroil poytaxti deb tan olinishi
6 dekabr kuni AQSh prezidenti Donald Tramp Quddusning Isroil poytaxti deb tan oldi. U AQSh Davlat departamentiga Tel-Avivdagi elchixonani Quddusga ko‘chirishga tayyorgarlik ko‘rishni boshlash vazifasini topshirdi.
Mavzuga oid
21:34
AQSh birinchi marta Ukrainaga yordam ko‘rsatish uchun «Ko‘ngillilar koalitsiyasi» yig‘ilishiga qo‘shildi
18:20
Rubio Lavrov bilan uchrashdi va Moskvaning urushni tugatish bo‘yicha «yangicha yondashuvi» haqida aytdi
16:48
To‘qayev Trampning 25 foizlik bojlar haqidagi maktubiga javob yo‘lladi
15:41