Test sinovlarining to‘rtinchi kuni natijalari ma'lum. Eng yuqori ko‘rsatkich Farg‘onada qayd etilgan

Respublika oliy ta'lim muassasalariga kirish test sinovlarining to‘rtinchi kuni –  4 avgust natijalari ma'lum bo‘ldi.

Test sinovlari shaxsni identifikatsiyalash vositalari, videofiksatsiya hamda doimiy videokuzatuv qurilmalari bilan jihozlangan 57ta binoda, 15ta oliy ta'lim muassasalarining 80ta ta'lim yo‘nalishi bo‘yicha o‘tkazildi.

Test sinovlarida 56 966 nafar abituriyent ishtirok etdi.

Test sinovlariga 1 369 nafar abituriyent kelmadi.

Test sinovlari tartib qoidalarini buzganligi sababli 73 nafar abituriyent test sinovlaridan chetlashtirildi.

Test sinovlariga guruh nazoratchilari sifatida 2 419 nafar o‘qituvchilar jalb etildi.

Davlat granti bo‘yicha eng yuqori o‘tish balli: 175,8 ball, Farg‘ona politexnika institutining «Iqtisodiyot (tarmoqlar va sohalar bo‘yicha)» ta'lim yo‘nalishi;

To‘lov-kontrakt bo‘yicha eng yuqori o‘tish bali: 147,6 ball, O‘zbekiston davlat jahon tillari universitetining «Tarjima nazariyasi va amaliyoti: ingliz tili» ta'lim yo‘nalishi.

O‘rtacha o‘tish bali:
davlat granti – 97,9 ball;
to‘lov-kontrakt – 80,5 ball.

Test sinovlari natijalari Davlat test markazi saytida soat 19.15da e'lon qilinadi.