Forbes Skarlett Yoxanssonni 2018 yilning eng ko‘p daromad topgan aktrisasi deb e'lon qildi

Aktrisa Skarlett Yoxansson Forbes jurnali talqini bo‘yicha yilning ko‘p daromad topgan aktrisalari reytingida birinchi o‘rindan joy oldi.  

33 aktrisa 12 oy ichida 40,5 mln dollar pul ishlagan . Jurnalning qayd etishicha, daromadining aksariyat qismini Yoxansson "Qasoskorlar" turkumidagi filmlarda ishtirok etib topgan.

Ro‘yxatda ikkinchi o‘rinni 28 mln dollar bilan Anjyelina Joli egalladi. U 2020 yilda ekranlarga chiqishi mo‘ljallangan "Malefisenta 2" filmidagi ishtiroki uchun olgan avansi evaziga yuqori o‘rindan joy oldi. Uchinchi o‘rin Jyennifer Enistonga nasib etdi (19,5 mln dollar).

Reytingda qolgan o‘rinlar quyidagicha taqsimlandi: Jyennifer Lourens (18 mln), Riz Uizerspun (16,5 mln), Mila Kunis (16 mln), Juliya Roberts (13 mln), Keyt Blanshett (12,5 mln), Melissa Makkarti (12 mln). Yuqori o‘nlikni "Mo‘'jiza ayol" filmida bosh rolni ijro etgan isroillik aktrisa Gal Gadot yakunlab beradi (10 mln dollar).

Forbes aktrisalarning 2017 yil 1 iyundan 2018 yil 1 iyunga qadar soliqlar to‘langunga qadar topgan daromadlarini hisobga olgan. 

O‘tgan yilgi reytingda birinchi o‘rinni "La-La-Lend" filmidagi roli uchun "Oskar" olgan 29 yoshli Emma Stoun egallagandi. U 26 million dollar ishlagan. Aktrisa bu yilgi reytingga kira olmadi.