Marselo «Yuventus»ga ketishi haqidagi xabarlarga izoh berdi

«Real»ning braziliyalik himoyachisi Marselo klubni tark etishi haqidagi xabarlarni inkor qildi.

Avvalroq, Portugaliya matbuoti Marseloning «Yuventus» bilan 4 yillik shartnomani kelishib olgani va 30 yoshli futbolchi transferi 45 million yevroni tashkil qilishi haqida yozgan edi.

Marselo instagram sahifasida «Real» mashg‘ulotlaridan olingan suratini joyladi va: «Bu mening uyim», deb yozdi.

Eslatib o‘tamiz, Marselo 2007 yildan beri «Real» sharafini himoya qilmoqda. Bu mavsumda u asosiy tarkibdagi o‘rnidan ajraldi.