Qoʻshimcha funksionallar
-
Tungi ko‘rinish
Avtomobil kaliti va pulti aslida nima ekanligi fosh bo‘ldi

Foto: Davlat bojxona qo‘mitasi axborot xizmati
O‘zbekiston Respublikasi Vazirlar Mahkamasining 2013 yil 20 fevraldagi “O‘zbekiston Respublikasi hududida lazerli nur tarqatkichlarni ishlatishni tartibga solish chora-tadbirlari to‘g‘risida”gi 50-son qaroriga ko‘ra portativ lazerli nur tarqatkichlarni yurtimizga chetdan olib kirish va sotish taqiqlanadi.
Biroq, mazkur me'yoriy hujjat talablari ayrim fuqarolarimiz tomonidan buzilmoqda.
Jumladan, Surxondaryo viloyati bojxona boshqarmasi “Gulbahor” chegara bojxona posti orqali yurtimizga qo‘shni mamlakatdan kirib kelgan fuqaro B.X xolislar ishtirokida ko‘zdan kechirildi. Natijada, fuqaroga tegishli buyumlar orasidan 8 dona avtomobil kalitlari va masofadan boshqarish pultlari borligi bojxonachilar e'tiborini tortdi. Bir qarashda haqiqiydek ko‘ringan pult va kalitlar aslida lazerli nur tarqatkich ekanligi aniqlanib, ashyoviy dalil sifatida olib qo‘yildi.
Hozirda mazkur holat yuzasidan bojxona tekshiruvlari olib borilmoqda.
Mavzuga oid

13:43 / 07.07.2025
Salkam 900 mln so‘mlik noqonuniy zargarlik buyumlari savdosi fosh etildi

12:18 / 04.07.2025
Zargarlik buyumlarini noqonuniy tarzda olib kirmoqchi bo‘lgan shaxs ushlandi

14:25 / 03.07.2025
Chivinlarga qarshi birinchi Photonmatrix lazer qurilmasi taqdim etildi

12:00 / 23.06.2025