Qoʻshimcha funksionallar
-
Tungi ko‘rinish
Oq uy oldida to‘qnashuvlar sodir bo‘ldi
Jorj Floydning o‘limidan so‘ng AQShning 30dan ortiq yirik shaharlarida tartibsizliklarga aylanib ketgan norozilik namoyishlari bo‘lib o‘tgan. Ayrim shaharlarda favqulodda holat joriy etilgan.
Oq uy oldida AQSh maxfiy xizmati xodimlari va norozilik namoyishchilari o‘rtasida to‘qnashuvlar sodir bo‘ldi. Bu haqda CNN xabar berdi.
Qayd etilishicha, AQSh prezidenti qarorgohi oldidagi to‘qnashuvlar besh soatdan ortiq davom etgan. Namoyishchilar prezident qo‘riqlash xizmati xodimlariga turli buyumlar uloqtirgan va metall to‘siqlardan oshib o‘tishga uringan.
Ular Minneapolisda politsiyachilar tomonidan qo‘lga olish chog‘ida halok bo‘lgan qora tanli Jorj Floydni qo‘llab-quvvatlab turli shiorlarni aytgan va prezident Donald Trampni haqoratlagan.
Telekanalning ma'lumot berishicha, Floydning o‘limidan so‘ng AQShning 30dan ortiq yirik shaharlarida tartibsizliklarga aylanib ketgan norozilik namoyishlari bo‘lib o‘tgan. Ayrim shaharlarda favqulodda holat joriy etilgan.
Oxirgi ma'lumotlarga ko‘ra, Xyustonda (Texas shtati) 200 kishi hibsga olingan, to‘rt politsiyachi yengil jarohat olgan. Minneapolisda noma'lum shaxs politsiyachilarga qarata o‘q uzgan.
Shuningdek, Oklendda AQSh ichki xavfsizlik vazirligi bo‘linmasi xodimi otishma chog‘ida halok bo‘lgani xabar qilindi.
Minneapolisdagi namoyishlar
Mavzuga oid
21:29 / 13.07.2025
Yevrkomissiya rahbari AQSh bojlariga javob qaytarishga tayyorligini ma’lum qildi
19:50 / 13.07.2025
AQSh bosh prokurori Trampga qarshi ishlarga aloqador 20 dan ortiq xodimni ishdan bo‘shatdi
18:13 / 12.07.2025
Tramp 1 avgustdan Yevropa Ittifoqi tovarlariga 30 foizlik boj joriy qildi
09:34 / 12.07.2025