Qoʻshimcha funksionallar
-
Tungi ko‘rinish
Tailandda koronavirus sababli kiritilgan favqulodda holat yana 2 oyga uzaytirildi
Tailand hukumati koronavirus sababli mart oyida kiritilgan umummilliy favqulodda holat rejimini Yangi yil bayramlari arafasida 2021 yil 15 yanvargacha uzaytirishga qaror qildi.
Foto: Jorge Silva / Reuters
Bu boradagi qaror bosh vazir Prayut Chan-Ocha raisligidagi ishchi guruh yig‘ilishida qabul qilingan.
Tailand vazirlar mahkamasi ushbu qarorni kelasi haftada tasdiqlaydi. Bu mart oyida kiritilgan favqulodda holatning sakkizinchi marta uzaytirilishi bo‘ladi. Hukumat shu bilan birga oxirgi oylar ba'zi cheklovlarni yumshatib kelgan. Tailandda pandemiya sababli turizm sohasi katta zarar ko‘rgan.
Tailand hukumati AstraZeneca kompaniyasi vaksinasi chiqarilishi bilan uni sotib olishga mablag‘lar ajratilishini tasdiqlagan. Bu maqsadda mamlakat budjetiga 26 mln doza vaksina sotib olish uchun 190,6 mln dollar mablag‘ kiritilgan.
Tailand koronavirusdan kasallanish va o‘lim holatlari soni bo‘yicha dunyodagi eng past ko‘rsatkichlardan biriga ega. JSST rahbari Tailandni pandemiyaga eng yaxshi tayyorlangan davlatlar qatoriga kiritgan.
Ayni vaqtda qirollikda pandemiya boshidan beri kasallanish holatlari soni 3,88 mingni, o‘lim holatlari soni 60tani tashkil qilmoqda.
Koronavirus
Mavzuga oid
12:05 / 24.07.2025
Tailand va Kambodja chegarasida qurolli to‘qnashuv bo‘lmoqda
15:37 / 21.07.2025
Bangladeshda harbiy samolyot kollej hududiga quladi, kamida 19 kishi halok bo‘lgan
18:08 / 10.07.2025
7 sentabrda Britaniya aholisining barcha smartfonlari bir vaqtda jiringlaydi
19:34 / 06.07.2025