Qoʻshimcha funksionallar
-
Tungi ko‘rinish
Tramp o‘z partiyadoshlarini qattiqqo‘lroq bo‘lishga va g‘alaba uchun kurashishga chaqirdi
AQSh prezidenti Donald Tramp Respublikachilar partiyasi va uni kongress senatida bildiruvchi senatorlarni qattiqqo‘lroq bo‘lishga hamda prezident saylovlari natijalari uchun kurashishga chaqirdi.
Foto: Jabin Botsford/The Washington Post
“Senator Mitch Makkonnell, respublikachi senatorlar, siz qattiqqo‘lroq bo‘lishingiz lozim, yo‘qsa sizda Respublikachilar partiyasi boshqa bo‘lmaydi. Biz prezident saylovlarini katta ustunlik bilan yutdik. Buning uchun kurashing. Ularga bizdan g‘alabani o‘g‘irlashlariga yo‘l qo‘ymang”, deb yozgan Tramp tvitterda.
Respublikachilarning senatdagi yetakchisi Mitch Makkonnell 15 dekabrda demokrat Jo Baydenni tabriklab, uning prezident saylovlaridagi g‘alabasini tan olgan.
14 dekabrda saylovchilar hay'ati ko‘pchilik ovoz bilan Baydenni prezident saylovlari g‘olibi deb topgandi. AQSh konstitutsiyasiga ko‘ra, saylovchilar hay'ati natijalari kongress tomonidan 2021 yil 6 yanvarda tasdiqlanishi lozim.
Amaldagi prezident hanuzgacha o‘z mag‘lubiyatini tan olmayapti va saylovlar natijalari bo‘yicha sud orqali da'volashishga urinishni davom ettirmoqda.
AQSh-2020
Mavzuga oid
12:12
OAV: Tramp rejani ma’qullagan, lekin Eronga zarba berish bo‘yicha yakuniy qarorga kelmagan
21:35 / 18.06.2025
Tramp Eronga «so‘nggi ultimatum» qo‘ydi va Putinning vositachiligini rad etdi
10:10 / 18.06.2025
Tramp milliy xavfsizlik bo‘yicha jamoasi bilan yig‘ilish o‘tkazdi
23:48 / 17.06.2025