Qarshida “Lasetti” mashinasi yonib ketdi

Ijtimoiy tarmoqlarda Qarshi shahrida “Lasetti” mashinasii yonayotganligi aks etgan video tarqaldi. Hodisa yuzasidan viloyat Favqulodda vaziyatlar boshqarmasi ma'lumot berdi.

Qayd etilishicha, bugun soat taxminan 20:33 larda Qarshi shahar Favqulodda vaziyatlar bo‘limiga shaharning Mustaqillik shohko‘chasida “Lasetti” mashinasida yong‘in sodir bo‘layotganligi to‘g‘risidagi xabar kelib tushgan.

Xabarga ko‘ra, voqea joyiga Qarshi shahar FVB 2-yong‘in-qutqaruv qismidan 1 ta bo‘linma soat 20:35 da yetib borgan. Soat 20:41 larda yong‘in to‘liq o‘chirilgan.

Ta'kidlanishicha, yong‘in oqibatida “Lasetti” to‘liq yonib ketgan va jiddiy zarar ko‘rgan. Yong‘inda hech kim tan jarohati olmagan. Hozirda moddiy zarar miqdori aniqlanmoqda.