Eron o‘z neft tankerlariga qaroqchilar uyushtirgan hujumni qaytardi

Eron harbiy-dengiz kuchlari bosh qo‘mondoni admiral Shahram Eroniyning ta'kidlashicha, 16 oktyabrda qaroqchilar 5 ta motorli qayiqda neft tankerlariga hujum qilgan. Biroq tankerlarni kuzatib borgan harbiy kemalar hujumni qaytargan. Natijada qaroqchilar qarshilikka uchragach chekingan, tankerlar esa belgilangan manzilga yo‘lni davom ettirgan.

Eroniy ushbu hujumni “dengiz terrorchiligi” deb atagan.

Ta'kidlanishicha, Eron o‘z kemalarini somalilik qaroqchilar hujumidan himoyalash maqsadida Hind okeani va Adan ko‘rfazida harbiy kemalar sonini oshirgan.