Qoʻshimcha funksionallar
-
Tungi ko‘rinish
Moskva politsiyasi O‘zbekiston diplomatik vakolatxonalari «minalashtirilgani» haqidagi xabarni tekshirmoqda
11 fevral kuni Rossiya Federal xavfsizlik xizmati elektron manziliga erkak kishidan ikkita xat kelgan. Unda uning 44 yoshli sherigi diplomatik idoralarga portlovchi moddalar solingan ryukzaklarni joylashtirgani haqida so‘z borgan. Barcha binolar kinologlar tomonidan tekshirilgan, portlovchi moddalar va portlovchi qurilmalar topilmagan.
Foto: RIA Novosti
Moskva politsiyasi Tojikiston, O‘zbekiston va Amerika Qo‘shma Shtatlari elchixonalari va konsulliklari «minalashtirilgani» haqidagi xabarlar ortidan tekshiruv o‘tkazmoqda. Bu haqda huquq-tartibot idoralaridagi manbaga tayanib, TASS xabar berdi.
«Juma kuni FXX elektron manziliga bir shaxsdan uning 44 yoshli sherigi Tojikiston elchixonasi va bosh konsulligi, O‘zbekiston elchixonasi va konsullik bo‘limi, AQSh elchixonasiga portlovchi moddalar solingan ryukzaklar qo‘ygani haqida ikkita xat kelib tushgan», dedi manba.
Rossiya Markaziy banki va «Qizil maydon» ham «minalashtirilgan». Barcha binolar kinologlar tomonidan tekshirilib, portlovchi moddalar va portlovchi qurilmalar topilmagan. Evakuatsiya ishlari amalga oshirilmagan.
«Politsiya bu xabarlarni tekshirishni boshladi», deyiladi ma’lumotda.
O‘zbekiston Tashqi ishlar vazirligi yuqoridagi voqea yuzasidan hozircha izoh bermadi.
Mavzuga oid
20:09 / 09.07.2025
Litva va Finlandiya piyodalarga qarshi minalar ishlab chiqaradi
21:28 / 02.07.2025
Moskva markazida ichida FSB veteranlari bo‘lgan mashina portlab ketdi
19:12 / 20.06.2025
O‘monda tutqunlikda saqlangan ayol va uning farzandlari O‘zbekistonga qaytarildi
21:18 / 18.06.2025