Sirdaryoda noqonuniy tarzda sher bolasini olib ketayotgan shaxslar ushlandi

Ijtimoiy tarmoqlarda Sirdaryo viloyatida she’r bolasini boqayotgan shaxslar haqida xabarlar tarqaldi. Viloyat Ekologiya va atrof-muhitni muhofaza qilish boshqarmasi holat yuzasidan munosabat bildirdi.

Foto: Ekologiya va atrof-muhitni muhofaza qilish qo‘mitasi

Munosabatda ma’lum qilinishicha, Sirdaryo viloyati Ekologiya va atrof-muhitni muhofaza qilish boshqarmasi nazorat bo‘yicha inspeksiyasi inspektorlari hamda Viloyat bojxona boshqarmasi xodimlari tomonidan hamkorlikda reyd tadbirlari o‘tkazilgan.

Tadbirda O‘zbekiston fuqarolari bo‘lgan D.B. va A.Sh. ikkita sher bolasini noqonuniy ravishda olib ketayotganda ushlangan. Sher bolalari tibbiy ko‘rikdan o‘tkazilib, vaqtincha saqlash uchun belgilangan joyga joylashtirilgan.