Qoʻshimcha funksionallar
-
Tungi ko‘rinish
Jizzaxda bo‘ri bolalarini sotmoqchi bo‘lgan shaxslar aniqlandi
Ijtimoiy tarmoqlarda Jizzax viloyatida bo‘ri bolalarining sotilishi haqida xabar tarqaldi.

Foto: xabardor
Jizzax viloyati Ekologiya va atrof-muhitni muhofaza qilish boshqarmasining bioxilma-xillikni asrash, raqamlashtirish va kadastr yuritish bo‘limi xodimlari tomonidan Baxmal tumani IIB bilan hamkorlikda surishtiruv-o‘rganish ishlari olib borildi.
Ma’lum bo‘lishicha, Baxmal tumanidagi "O‘smat" ShFYda istiqomat qiluvchi T.X. va Baxmal tumanidagi "Novqa" MFYda yashovchi J.M. 3 ta bo‘ri bolasini ushlab, ularni sotish bo‘yicha e’lonni ijtimoiy tarmoq sahifalariga joylashgan.
Tezkor nazorat reyd tadbirida fuqaro X.T.ning o‘ziga tegishli bo‘lgan avtomashina yukxonasida 3 ta bo‘ri bolasi borligi aniqlangan va ashyoviy dalil sifatida olingan. Huquqbuzarlarning har biriga Ma’muriy javobgarlik to‘g‘risidagi kodeksning 90-moddasi, 1-qismiga asosan jarima qo‘llanilgan.
Ayni vaqtda bo‘ri bolalari ekologlar tomonidan parvarish qilinmoqda. Ob-havoning qulay bo‘lgan vaqtida ularni ushlangan joyiga olib borib, tabiat qo‘yniga qo‘yib yuborish rejalashtirilmoqda.
Mavzuga oid

19:58 / 07.07.2025
Shavkat Mirziyoyev Jizzax viloyatida islohotlar natijadorligi bo‘yicha hisobot bilan tanishdi

18:45 / 30.06.2025
Jizzaxda «er kerak» reklama tadbirini uyushtirgan qizlar jarimaga tortildi

19:41 / 10.06.2025
Zominda sel tufayli avtomobil yo‘li yopilib qoldi

10:40 / 07.06.2025