Qoʻshimcha funksionallar
-
Tungi ko‘rinish
ShHT Samarqand sammiti asosiy majlisi boshlandi
16 sentabr kuni Samarqand shahrida Shanhay hamkorlik tashkilotiga a’zo davlat rahbarlari ishtirokidagi sammit boshlandi. Bu haqda Kun.uz muxbiri xabar bermoqda.

Foto: Kun.uz
Sammitda O‘zbekiston prezidenti Shavkat Mirziyoyev kirish nutqini so‘zladi.
"Sammitimiz, shubhasiz, tarixiy voqeadir. Bu pandemiya sinovlaridan so‘ng uzoq kutilgan do‘stlarning yuzma-yuz uchrashuvidir. Bu shaxsiy muloqot, ShHT mamlakatlarning kelajagini belgilab beruvchi qo‘shma qarorlar qabul qilish imkoniyatidir,” - dedi davlat rahbari.
“Bu tadbir O‘zbekiston raisligida tarixiy Samarqandda o‘tayotgani biz uchun katta faxrdir. Umid qilamanki, kecha Samarqand ruhi va xalqimizning ko‘p yillik tarixiy madaniyati bilan tanishdingiz”, - deya Shavkat Mirziyoyevning so‘zlarini keltirmoqda Kun.uz muxbiri.
Mirziyoyevga ko‘ra, bugungi tadbir doirasida ShHT davlatlari yetakchilari 40 dan ortiq xalqaro kelishuvlarni imzolashi ko‘zda tutilgan.

Tadbirning qolgan qismi tor doirada davom etmoqda.


ShHTga kuzatuvchi hamda mehmon sifatida taklif qilingan Belarus, Eron, Mongoliya, Turkiya, Ozarboyjon, Turkmaniston yetakchilari majlisga tadbirning kengaytirilgan qismida qo‘shiladi.
Mavzuga oid

19:37 / 03.07.2025
Armaniston ShHT a’zosi bo‘lishga qaror qildi

08:21 / 28.06.2025
Hindiston ShHT qo‘shma deklaratsiyasini imzolashdan bosh tortdi

22:47 / 08.03.2025
ShHT sammiti Xitoyning Tyanszin shahrida kuzda bo‘lib o‘tadi

19:50 / 05.03.2025