Qoʻshimcha funksionallar
-
Tungi ko‘rinish
Samarqandda katta tezlikda harakatlanib yuk mashinasi ostiga kirib ketgan Matiz haydovchisi vafot etdi
Matiz haydovchisi katta tezlikda harakatlanib, o‘zidan oldinda ketayotgan mashinani o‘ng tomondan quvib o‘tayotganida yo‘l chetida turgan yuk mashinasi ostiga kirib ketgan.
Samarqand viloyati IIB axborot xizmatining xabar berishicha, 2022 yil 3 oktyabr kuni soat 8:10 larda M-37 Samarqand-Buxoro-Turkmanboshi avtomobil yo‘lining Samarqand shahri Qir mahallasi hududidan o‘tgan 40-kilometrida odam o‘limi bilan bog‘liq yo‘l-transport hodisasi sodir bo‘lgan.
Matiz mashinasi haydovchisi tezlikni me’yordan oshirgan holda harakatlanib kelib, o‘zidan oldinda ketayotgan mashinani katta tezlikda o‘ng tomondan quvib o‘tgan.
Ammo boshqaruvni yo‘qotib, yo‘l chetida turgan «ZIL» yuk mashinasi ostiga kirib ketgan. Oqibatda, Matiz haydochisi og‘ir tan jarohatlari olib, voqea joyida vafot etgan.
Qayd etilishicha, hodisa yuzasidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Hozirda tergov-surishtiruv harakatlari olib borilmoqda.
Avvalroq, Samarqand viloyati Nurobod tumanida katta tezlikda harakatlangan Nexia o‘zidan oldinda ketayotgan Damas mashinasining orqa qismidan urib yuborgan. Oqibatda Damas ag‘darilib, uning yo‘lovchisi halok bo‘lgandi.
Mavzuga oid
15:36
Avariyalarni kamaytirish uchun yo‘l infratuzilmasini yaxshilashga jiddiy e’tibor qaratiladi
15:24
«Kuniga o‘rtacha 6 kishi vafot etayotgani barchani qattiq tashvishga solishi kerak» – prezident O‘zbekiston yo‘llaridagi holat haqida
19:36 / 08.07.2025
Toshkentda Tico yo‘lni kesib o‘tayotgan 3 yoshli bolani urib yubordi
13:31 / 08.07.2025