O‘zbekiston Misrdan 3 ming tonna apelsin sotib oldi

2022 yilning yanvar-noyabr oylarida O‘zbekistonga xorijdan qiymati 5,9 mln AQSh dollariga teng bo‘lgan 8,4 ming tonna apelsin import qilingan. 

Davlat statistika qo‘mitasi ma’lumotlariga ko‘ra, apelsin importi o‘tgan yilning mos davri bilan solishtirilganda 2,8 ming tonnaga oshgan. 

2022 yilning 11 oyida O‘zbekiston eng ko‘p apelsin import qilgan davlatlar orasida Misr birinchi o‘rinni egalladi  – 3 ming tonna.

Ushbu ko‘rsatkich qolgan davlatlar kesimida quyidagicha ko‘rinish oldi:

• Eron – 2,4 ming tonna;
• Turkiya – 1,4 ming tonna;
• JAR – 998,5 tonna;
• Qozog‘iston – 356 tonna;
• Xitoy – 71 tonna;
• Rossiya – 25,5 tonna.